Azərbaycan 1-ci liqasında 11-ci tura yekun vurulub.
Lider “Qəbələ” səfərdə “Mingəçevir”lə qarşılaşıb. “Qırmızı-qaralar” görüşü 2:0 hesablı qələbə ilə başa vurub. “Baku Sportinq”in qonağı olan “Karvan” da rəqib qapısından 2 cavabsız top keçirib. “Difai” – MOİK görüşü qonaqların minimal hesablı qələbəsi ilə yekunlaşıb. “İmişli” – “Cəbrayıl” və “Qaradağ Lökbatan” – “Zaqatala” oyununda isə qalib müəyyənləşməyib. Qeyd edək ki, 11 turdan sonra turnir cədvəlinə aktivində 29 xal olan “Qəbələ” başçılıq edir.