"Barselona" "Mançester Yunayted"in hücumçusu Markus Reşfordu heyətinə qatmaq istəyir.
Klub rəhbərliyi 27 yaşlı futbolçunu bu qış transfer etməyi planlaşdırır. Kataloniya təmsilçisi Reşfordun əvəzinə "qırmızı şeytanlar"a Ansu Fatini verməyə hazırdır. Daha əvvəl mətbuatda “Mançester Yunayted”in də Reşfordu bu qış transferə çıxaracağı bildirilmişdi. Qeyd edək ki, cari mövsüm Markus Reşford klub üçün bütün yarışlarda 24 oyun keçirib, 7 qol vurub və üç məhsuldar ötürmə verib.