UEFA Konfrans Liqasında 6-cı tur başa çatıb.
Əsas mərhələnin son turunda maraqlı qarşılaşmalar keçirilib. “Çelsi” İngiltərədə İrlandiyanın “Şemrok Rovers” kollektivini sınağa çəkib. Görüş “zadəganlar”ın böyükhesablı qələbəsi ilə yekunlaşıb. Hesab matçın 23-cü dəqiqəsində açılıb. Meydan sahiblərinin heyətində Mark Qiu fərqlənib. 3 dəqiqə sonra irlandlar hesabı bərabərləşdiriblər. Bu dəfə Markus Poom adını tabloya yazdırıb. 34-cü dəqiqədə Qiunun dublu “Çelsi”ni hesabda önə çıxarıb. Azarkeşlər İlk hissədə daha 2 qola şahidlik ediblər. 40-cı dəqiqədə Kirnan Düzberi rəqibi meydanın mərkəzinə dəvət edib. Əsas vaxta əlavə edilmiş 3-cü dəqiqədə isə Mark Qiu het-trikini rəsmiləşdirib. Matçın ikinci hissəsində isə yalnız bir qol vurulub. Oyunda son nöqtəni Mark Kukurelya qoyub. Nəticədə “Çelsi” 5:1 hesablı qələbəyə sevinib. Bu nəticədən sonra 6 oyundan maksimum xal toplayaraq, əsas mərhələni lider başa vuran London klubu mübarizəni 1/8 final mərhələsindən davam etdirəcək. 10-cu yerdə qərarlaşan “Şemrok Rovers” isə 1/16 finala yüksəlib.Portuqaliyada keçirilən görüşdə “Vitoriya” İtaliyanın “Fiorentina” klubunu qəbul edib. Hesab ilk yarıda açılıb. Qustavo qonaqlara üstünlük qazandırıb. Lakin meydan sahibləri final fitinə az qalmış bərabərlik qolunu vurublar. “Vitoriya”nın heyətində Rolando Mandraqora komandasına bir xal qazandıran qolun müəllifi olub. Bu görüşdən sonra “Vitoriya” 14 xalla 2-ci, ondan bir xal geri qalan “Fiorentina” isə 3-cü yerin sahibi kimi 1/8 final mərhələsinə yüksəlib.
Qeyd edək ki, bu gün keçiriləcək pley-off mərhələsinin püşkatma mərasimi Bakı vaxtı ilə saat 15:00-da başlayacaq.