Azərbaycan futzal millisi Avro 2026-nın seçmə mərhələsində mübarizə başlayıb. Futzalçılarımız 5-ci qrupdakı ilk oyununda İsveç yığması ilə üz-üzə gəlib. Bakı İdman Sarayında keçirilən qarşılaşmada hesabı milli komandamız açıb. İkinci dəqiqədə Oktay Rüstəmli rəqibi mərkəzə dəvət edib. Lakin fasiləyədək İsveç futzalçıları hesabı bərabərləşdirib. İkinci hissədə seçmə komandamız Xəzər Ağalızadənin qolu ilə önə keçib. Lakin 34 və 38-ci dəqiqələrdə qonaqlar ardıcıl 2 qolla irəli çıxıblar. Amma sona 2 saniyə qalmış Oktay Rüstəmli fərqlənərək millimizi məğlubiyyətdən xilas edib: Azərbaycan – İsveç 3:3.