Kosovonun paytaxtı Priştinada 16 yaşadək oğlan basketbolçuların Avropa birinciliyində C divizionu üzrə mübarizəyə yekun vurulub.
Həlledici görüşdə komandamız Kipr seçməsiylə üz-üzə gəlib. Təəssüf ki, komandamız Andorrada qitə çempionu olan qız basketbolçuların uğurunu təkrarlaya bilməyib. Halbuki kollektivimiz fasiləyə 44:42 hesabilə öndə yollanıb. Digər bölümlərdə də başabaş mübarizə qeydə alınıb. Lakin sona yaxın rəqib 3 xallıq üstünlük qazanaraq qələbəni təmin edib: Kipr – Azərbaycan 78:75. Beləliklə Kipr komandası Avropa birinciliyinin C divizionunda çempion olub.
