“Sabah” basketbol klubu FIBA Avropa Kubokunda ilk qələbəsini qazanıb.
Komadamız G qrupunda səfərdə İsveç təmsilçisi “Norrçepinq Dolfins”ə 83:75 hesabı ilə qalib gəlib. Əvvəlki qarşılaşmaların nəticələrinə əsasən “Sabah” turnirdə mübarizəni dayandırıb. Qeyd edək ki, komandamız daha əvvəl hər iki görüşdə Yunanıstanın “Marussi” kollektivinə uduzub. Təmsilçimiz qrupda keçirdiyi digər oyunlarda Belçikanın “Spiru” klubuna həm evdə , həm də səfərdə , “Norrçepinq Dolfins”ə isə Bakıda məğlub olub.