Ümumi mükafat fondu 15 milyon 250 min dollar olan qadınlar arasında mövsümün yekun turniri davam edir.
Səudiyyə Ərəbistanında keçirilən yarışın ikinci turunda tennis həvəskarları  “Bənövşəyi” qrupda iki oyunun şahidi olub. Belaruslu Arina Sabalenka ilə italiyalı Jasmin Paolini üz-üzə gəlib.  1 saat 31 dəqiqə davam edən görüşün ilk setində Arina  rəqibindən 6:3 hesabı ilə üstün olub. İkinci hissədə italiyalı raketka ustası bir qədər fəallığı ilə seçilib. Amma burada da belaruslu tennisçi səhvə yol verməyib – 7:5. Beləliklə də Paolinini 7:5 hesabı ilə məğlub edən Sabalenka ardıcıl 2 qələbə ilə yarımfinala yüksəlib.  Bununla yanaşı, Sabalenka ardıcıl 2-ci mövsüm WTA reytinqinin lideri kimi növbəti mərhələyə yüksəlməklə Serena Uilyamsın nəticəsini təkrarlayıb. Amerikalı tennisçi 2013 və 2014-cü illərdə belə bir göstərici ilə yadda qalmışdı. Digər oyunda isə çinli Çjen Tsinvenlə qazaxıstanlı Yelena Rıbakina qarşılaşıb. 2 saat 27 dəqiqə davam edən görüşdə qalib 3 setdən sonra müəyyənləşib. İlk hissədə çinli idmançı tay-brekdə uğur qazanıbsa, fasilədən sonra Arina rəqibinə yalnız 3 geym toplamağa imkan verib. Həlledici bölümdə isə Tsinven 6:1 hesabı ilə qalib gəlib. Beləliklə də Paolinidən sonra Tsinvenə məğlub olan Sabalenka yarımfinala yüksəlmək şansını itirib.