Türkiyədə "Böyük Dəbilqə" turniri başa çatıb. Antalyada keçirilən yarışın son günündə daha 3 cüdoçumuz tatamiyə çıxıb. Onlardan Vüqar Talıbov fəxri kürsüyə qalxa bilib. 90 kq-da çıxış edən idmançımız finala kimi inamla irəliləyib. Həlledici görüşde isə Yaponiya cüdoçusu ilə bacarmayan Vüqar Talıbov gümüş medalla kifayətlənib. Beleliklə komandamız yarışı 2 mükafatla başa vurub. Xatırladaq ki, turnirin əvvəlki günlərində Rəşid Məmmədəliyev də yalnız finalda uduzaraq gümüş medala layiq görülmüşdü. Əlavə edək ki, hər iki təmsilçimiz 700 reytinq xalı da eldə edib.