Karate üzrə milli komandmızın üzvü İrina Zaretska Macarıstanın paytaxtı Budapeştdə keçirilən dünya çempionatında uğurla çıxış edir.
68 kq çəki dərəcəsində yarışan yığmamızın lideri finala yüksəlib. İkiqat dünya çempionumuz  ardıcıl dörd rəqibini məğlub edərək, həlledici görüşdə iştirak hüququna yiyələnib. İrina Zaretska oktyabrın 28-də keçiriləcək finalda isveçrəli Yelena Quriçlə üz-üzə gələcək.  Qeyd edək ki, Azərbaycan millisi  dünya çempionatında 18 karateçi ilə təmsil olunur.