"Qarabağ"ın və millimizin futbolçusu Mahir Emrelinin mümkün transferi Polşanın yüksək liqa təmsilçisi "Rakuv"un hələ də gündəmindədir. Bu barədə klubun baş məşqçisi Marek Papşun Polşa mərtbuatına müsahibəsində deyib. O, millimizin üzvünün transfer məsələsinin indi də aktual olduğunu bildirib: "Mən belə düşünürəm. Amma siyahımızda 8-9 hücumçunun adı var. Odur ki, hər şey mümkündür".
 Qeyd edək ki, Mahir Emreli də verdiyi açıqlamada legioner həyatı yaşamaq istədiyini və yayda “Qarabağ”dan ayrılacağını bildirib.