“Napoli”nin baş məşqçisi Karlo Ançelotti istefaya göndərilib.
Bu barədə klubun rəsmi saytı məlumat yayıb. “Napoli” ÇL-in qrup mərhələsinin son oyununda “Genk”i  4:0 hesabı ilə məğlub edib növbəti mərhələyə vəsiqə qazansa da, A seriyasında komandanın zəif çıxışı rəhbərliyi belə qərar qəbul etməyə məcbur edib.
Ançelottinin istefasından sonra klub Cennaro Qattuzoya tapşırılacaq. 41 yaşlı mütəxəssis 2021-ci ilin iyununa qədər “Napoli” ilə müqavilə imzalayacaq və ilə 3 milyon avro məvacib alacaq.