Bu gün UEFA Çempionlar Liqasında qrup mərhələsi başlanır. Günün ilk 2 qarşılaşması Zaqreb və Dortmundda keçiriləcək. E qrupunda milli komandamızın üzvü Mahir Emrelinin çıxış etdiyi Xorvatiyanın Dinamo klubu London təmsilçisi "Çelsi"ni qəbul edəcək. Bu qrupun digər oyunu “Zalstsburq”- “Milan” qarşılaşmasıdır.
Dortmundda isə yerli “Borussiya” Danimarkanın “Kopenhagen” komandası ilə üz-üzə gələcək. G qrupunun digər matçında “Sevilya” – “Mançester Siti” qarşılaşması olacaq.
Turnirin hazırki qalibi “Real Madrid” Şotlandiyaya səfər edib. “Kral Klubu” Qlazqoda “Seltik”lə üz-üzə gələcək. F qrupunun digər görüşü “Leyptsiq” – “Şaxtyor” oyunudur. Günün maraqla gözlənilən qarşılaşması H qrupunda keçiriləcək. Turnirin iddialılarından PSJ doğma areanda “Yuventus”la üz-üzə gələcək. Bu qrupda həm də “Benfika” – “Makkabi Hayfa” matçı da olacaq. Qeyd edək ki, Zaqreb və Dortmunddakı oyunlar saat 20:45-də, digər 6 görüş isə saat 23-də başlanacaq.