Dünya Çempionatına vəsiqə uğrunda matçda Avstraliya yığması Peru seçməsilə qarşılaşıb.
Qətərin Ər-Rəyan şəhərində keçirilən görüşün əsas vaxtında qapılara qol vurulmayıb. Əlavə vaxtda da tərəflər fərqlənə bilmədiyindən qalib penaltilər seriyasında müəyyənləşib. Burda Peru yığmasının heyətində Luis Advinkula və Aleks Valeranın fürsəti qaçırması həlledici olub. Beləliklə, Avstraliya yığması ardıcıl 5-ci, ümumilikdə isə 6-cı dəfə mundiala vəsiqə əldə edib. Final mərhələsində Avstraliya kollektivi D qrupunda Fransa, Danimarka və Tunis milliləri ilə yarışacaq. Mundialda çıxış edən sonuncu komanda isə bu gün müəyyənləşəcək. Saat 22:00-da başlanacaq Kosta-Rika – Yeni Zelandiya matçının qalibi dünya çempionatına sonuncu vəsiqəni əldə edəcək.