Niderland kubokunun finalında PSV və “Ayaks” komandaları üz-üzə gəlib.
Rotterdamda keçirilən həlledci görüşə “Ayaks” futbolçuları daha yaxşı başlayıblar. 1-ci hissə Rayan Qravenberxin vurduğu qolla paytaxt təmsilçisinin üstünlüyü ilə bitib. Amma fasilədən sonra Eyndhoven komandası hesabı xeyrinə dəyişib. Erik Qutyeres və Kodi Qakpo qapını dəqiq nişan alıb. Beləliklə 2:1 hesabı ilə qalib gələn PSV 10 ildən sonra turnirdə fəxri mükafata sahib çıxıb. Eyndhoven klubu tarixində 10-cu dəfə ölkə kubokunu başı üzərinə qaldırıb. Bu nominasiyada rekord 20 dəfə titula yiyələnən “Ayaks”a məxsusdur.