Qrossmeysterimiz Şəhriyar Məmmədyarovun Rumıniyanın paytaxtı Buxarestdə "Grand Chess Tour" seriyasında iştirak edəcək.
Şahmatçımızın yarışın ilkin mərhələsi olan "Superbet Chess Classic"dəki rəqibləri müəyyənləşib. Xatırladaq ki, turnirdə 10 şahmatçı mübarizə aparacaq. Məmmədyarovla yanaşı, titullu qrossmeysterlərdən Alireza Firuzca, Maksim Vaşye-Laqrav, Fabiano Karuana, Uesli So, Leyner Dominges, Yan Nepomnyaşi, Riçard Rapport və başqaları bacarığını nümayiş etdirəcək. Yarışın ümumi mükafat fondu 350 min dollardır. Qeyd edək ki, ötən ilki "Superbet Chess Classic" turnirinin qalibi məhz Şəhriyar Məmmədyarov olmuşdu.