Macarıstanın paytaxtı Budapeştdə güləşçilərin Avropa çempionatı davam edir. Artıq sərbəst güləşçilərin mübarizəsi başa çatıb. Pəhləvanlarımızdan daha 3-ü medal uğrunda görüşə çıxıb. 86 kq-da Abubakr Abakarov həlledici qarşılaşmada San Marino idmançısına uduzaraq gümüş medalla kifayətlənib. 74 kq-da Turan Bayramov bürünc mükafat uğrunda görüşdə rumıniyalı idmançıya gücünü göstərib. 92 kq-da  Osman Nurməhəmmədov isə ispaniyalı pəhləvandan üstün olaraq bürünc medala sahib olub. Beləliklə sərbəst güləşçilərimiz Avropa çempionatını 1 qızıl, 4 gümüş və 2 bürünc mükafatla tamamlayıb. Millimiz komanda hesabında bütün seçmələri qabaqlayaraq zirvədə qərarlaşıb. Qeyd edək ki, sərbəst güləşçilərimiz 3-cü dəfədir ki, bu uğura nail olur.