UEFA-nın Ədalətli Oyun və Sosial Məsuliyyət Komitəsinin növbəti iclası keçirilib.
İclas videokonfrans formatında təşkil olunub. Bakıda "Qarabağ" və Fransa "Marsel"i arasında Konfrans Liqasının pley-off mərhələsinin cavab oyununda qeydə alınmış fair play hadisəsi AFFA-nın icraçı vitse-prezidenti, müvafiq komitənin sədri Elxan Məmmədovun təklifi ilə iclasın gündəliyinə daxil olunub və məsələ barədə fikir mübadiləsi aparılıb. Qeyd edək ki, "Qarabağ"ın 0:3 hesabı ilə uduzduğu görüşdə polşalı baş hakim Bartoş Frankovski Ağdam təmsilçisinin hücumçusu İbrahima Vadjinin vurduğu qolu qeydə alsa da, baş məşqçi Qurban Qurbanov futbolçularla qısa dialoqdan sonra referiyə qolun qaydalar çərçivəsində vurulmadığını bildirib. Bundan sonra isə qol qərarı ləğv olunub.