Bolqarıstanın Plovdiv şəhərində gənc güləşçilərin Avropa birinciliyi davam edir. Yunan-Roma güləşçilərimizdən daha biri qızıl medal qazanıb. 60 kq-da Nihat Məmmədli Macarıstan, Ermənistan təmsilçilərini məğlub edərək finala çıxmışdı. Məmmədli həlledici qarşılaşmada gürcüstanlı rəqibinə də gücünü göstərək qızıl medalın sahibi olub. Bununla yunan-Roma güləşçilərimiz Avropa birinciliyini 2 qızıl, 1 gümüş, 2 bürünc, ümumən 6 medalla tamamlayaraq komanda hesabında 3-cü olublar.
Qadın güləşçilərimiz də xalça üzərinə çıxıblar. 55 kq-da Elnurə Məmmədova Slovakiya, Moldova atletlərindən üstün olaraq finala vəsiqə qazanıb. O, həlledici qarşılaşmada Rumıniya idmançısı ilə üz-üzə gələcək.
50 kq-da çıxış edən Şəhanə Nəzərova və 68 kq-da bacarığını göstərən Nigar Mirzəzadə isə yarımfinalda uduzduğundan bu gün bürünc medal uğrunda yarışacaq.