Azərbaycanı dağ xizəyi yarışlarında təmsil edən İlya Kostov İtaliyada 18-21 yaş kateqoriyasından olan gənc idmançılar arasında keçirilən Milli Gənclər Yarışında (National Junior Race) iştirak edib.
İdmançımız slalom üzrə yarışda 86,39 xal toplayıb. Təmsilçimiz bu nəticə ilə ümumi sıralamada 9-cu olsa da, öz yaş kateqoriyasından olan idmançılar arasında 3-cü yerə sahib olub.
Yarışda İtaliya, Fransa, Norveç və digər ölkələrdən 74 idmançı iştirak edib.
İlya Kostov Azərbaycanı dağ xizəyi üzrə yarışlarda 2021-ci ildən təmsil edir.