Milli Basketbol Assosiasiyasında çıxış edən klublar arasında treyd əməliyyatları baş tutub. Ən səs-küylü keçidlər “Bruklin Nets”lə “Filadelfiya Seventi Siksers” arasında qeydə alınıb. Bruklin klubunda çıxış edən MBA-nın adlı sanlı-basketbolçularından olan Ceyms Harden Pensilvaniya klubuna keçib. Onunla yanaşı, “Nets”in forvardı Pol Milssep də “76-lar”ın heyətinə qoşulub. “Filadelfiya”dan isə Ben Simmons, Set Karri və Andre Drammond əks düşərgəyə hərəkət edib.
“Boston Seltiks” isə “Hyuston Rokets”dən Daniel Taysı transfer etmək üçün qarşı tərəfə Denis Şröder, Enes Kanter və Bruno Fernandı verib. Bununla yanaşı, “Seltiks” Çoş Riçardsonla Romeo Lenqfordu “San Antonio Spörz”dən Derrik Uaytla dəyişib. “San Antonio”ya gəlincə, Texas klubu Taddeus Yanq və Dryu Yubenksin müqabilində “Toronto Raptors”dan Qoran Dragiçi ələ keçirib. “Dallas Maveriks” isə Spenser Dinuiddi və Davis Bertansın müqabilində Kristaps Porzingisi “Vaşinqton Kapitalz”a göndərib. Yeri gəlmişkən, “Vaşinqton” komandanın aparıcı üzvlərindən olan Montrez Harrelli “Şarlott Hornets”dən Vernon Keri və İşa Smitə dəyişib. “Los Anceles Klippers”də çıxış edən Serj İbaka isə Miluoki Baks”a qismət olub.