“Bursaspor”un yay fasiləsində heyətinə cəlb etdiyi futbolçuların transferi qiyməti açıqlanıb.
Bursa klubuna yaxınlığı ilə bilinən bursaspordabugun.com saytına istinadən məlumatına görə, Azərbaycan millisinin hücumçusu Namik Ələsgərovun da dəyəri müəyyənləşib. TFF I Liqa təmsilçisinin yayda reallaşdırdığı 17 transferdən biri olan Ələsgərovun transfer qiyməti 750 min avroya bərabər göstərilib. Bununla “Neftçi”dən alınan 26 yaşlı oyunçu “timsah”ın transferləri arasında ən bahalı 6-cı oyunçudur. Namiq Ələsgərov “Neftçi”dən 50 min avroya transfer edilib.