Futbol üzrə üçqat dünya çempionu Pele cərrahi əməliyyat olunub.
Braziliyalı sabiq futbolçu bu barədə özünün “Facebook” səhifəsində məlumat verib. 80 yaşlı “futbol kralı” gələcəyə nikbin baxdığını, ailəsi və dostlarının əhatəsində olduğu üçün xoşbəxt hiss etdiyini bildirib. Xatırladaq ki, Pele bir neçə gün əvvəl müayinə olunması üçün San-Pauludakı özəl klinikaya yerləşdirilib. Qeyd edək ki, Pele futbol üzrə yeganə üçqat dünya çempionudur. O, Braziliya yığmasının heyətində 92 matç keçirib və 77 qol vurub. Əfsanəvi idmançı Beynəlxalq Futbol Federasiyasının versiyasına görə XX əsrin ən yaxşı futbolçusu elan edilib.