Tokio 2020 Paralimpiya Oyunları davam edir. Komandamız hesabına növbəti medalı əlavə edib. Belə ki, atletika növü üzrə idmançımız Səid Nəcəfzadə mübarizəyə uğurla başlayıb. Paralimpiyaçımız T12 kateqoriyasında uzunluğa tullanma növü üzrə 7.03 metr nəticə göstərib. Bununla da, Nəcəfzadə bürünc medal qazanıb.
Atletika növü üzrə digər təmsilçimiz Kamil Əliyev isə uzunluğa tullanmada 6.89 metr nəticə göstərərək, yarışı 5-ci yerdə tamamlayıb.
Daha bir atletimiz komandamızın bayraqdarı Oloxan Musayev F55 kateqoriyalı disk atma növündə 37.92 metr nəticə ilə yarışı 7-ci pillədə başa vurub.
107 kq çəki dərəcəsində yarışan pauerliftinqçimiz Elşən Hüseynov isə 8-ci yerdə qərarlaşıb.