Finlandiyanın Tampere şəhərində yeniyetmə və gənc karateçilərilərin Avropa birinciliyi başa çatıb.
Komandamız qitə yarışının sonuncu günündə 3 medal qazanıb. Oğlanlardan Əminağa Əliyev 60 kq çəkidə bütün rəqiblərini məğlubiyyətə uğradaraq ikinci dəfə Avropa çempionu olub. 67 kq-da Hüseyn Məmmədli isə bürünc mükafat əldə edib. Qızlardan Mədinə Sadıqova 55 kq-da eyni əyyarlı medala yiyələnib. Beləcə Azərbaycan seçməsi Avropa birinciliyini 3-ü qızıl, 1-i gümüş, 3-ü bürünc olmaqla - 7 mükafatla başa vurub. 24 karateçimizin çıxış etdiyi qitə yarışında 45 ölkədən 1008 idmançı mübarizə aparıb.