Bakı Şəhər Gənclər və İdman Baş İdarəsinin dəstəyi ilə Azərbaycan Kontakt Karate Federasiyası və Dünya Oyama Kyokuşin Təşkilatı karateçilərin respublika turnirini keçirib. Yarış Vətən müharibəsi şəhidi kyokuşin karate üzrə Avropa çempionu Emil Şamilovun xatirəsinə həsr olunub. Açılış mərasimində şəhidimizin valideynləri, qazilər və federasiya rəsmiləri iştirak ediblər. Daha sonra təcrübəli idmançılar müxtəlif növ hərəkətlərlə turnirə daha da həyəcan qatıblar.
Qeyd edək ki, yarışda ölkəmizin müxtəlif rayonlarından komandalar iştirak edib. Ümumilikdə, 200-ə yaxın uşaq, yeniyetmə və gənc bacarığını nümayiş etdirib.