Tokio Olimpiadasında karateçilərimizdən 67 kq çəkidə mübarizə aparan Firdovsi Fərzəliyev A qrupunda çıxışını başa vurub. O, ilk qarşılaşmada türkiyəli Eray Şamdana 1:7 hesabilə məğlub olub. Fərzəliyev 2-ci görüşdə uğur qazanıb. Atletimiz yerli idmançı Naoto Saqonu minimal hesabla məğlub edib. Lakin karateçimiz digər 2 qarşılaşmada uğurun davamını gətirə bilməyib. İdmançımız əvvəlcə qazaxıstanlı Darxan Asadilova 2:6 hesabilə uduzub. Daha sonra isə misirli Əli El Saviyə minimal hesabla məğlub olub. Beləcə qrup mərhələsində yalnız 1 qələbə qazanan Firdovsi Fərzəliyev mübarizəni erkən dayandırıb.