Amerika kubokunda yarımfinal həyəcanı yaşanıb.
Bu mərhələdə kuboka iddialı iki kollektiv Argentina və Kolumbiya milliləri münasibətlərə aydınlıq gətirib. Matça hücumlarla başlayan argentinalılar artıq 7-ci dəqiqədə hesabı açıblar. Lautaro Martinez Lionel Messinin ötürməsini qola çevirib. Lakin təslim olmaq istəməyən Kolumbiyalılar 61-ci dəqiqədə tarazlığı bərpa ediblər. Luis Diaz hədəfdən yayınmayıb. Matçın növbəti dəqiqələrində hesab dəyişməyincə, reqlamentə əsasən komandalar birbaşa penaltilər seriyasına keçid alıblar. Burada isə daha dəqiq olan Argentina adını final mərhələsinə yazdırıb. Həlledici mərhələdə Argentinanın rəqibi – Perunu məğlub edən Braziliya millsidir.
Xatırladaq ki, final oyunu iyunun 11-də keçiriləcək. Üçüncü yer uğrunda qarşılaşmada isə Kolumbiya və Peru milliləri üz-üzə gələcək.