Rocer Federer Tokioda keçiriləcək Yay Olimpiya Oyunlarında iştirak edəcək.
Bu barədə İsveçrə Milli Olimpiya Komitəsi məlumat verib. Daha doğrusu, 40 yaşlı raketka ustasının adı İsveçrəni Olimpiadada təmsil edəcək 116-cı idmançının siyahısında yer alıb. Yeri gəlmişkən, Rocer buna qədər mətbuata açıqlamalarında Tokioya yollanacağına şübhə etdiyini söyləmişdi. Xatırladaq ki, Federer 2008-ci ildə Pekin Olimpiadasında cüt yarışlarında qızıl, 2012-ci ildə Londonda keçirilən Yay Olimpiya Oyunlarında fərdi yarışda gümüş medal qazanmışdı.