Bazel şəhərində idman gimnastikası üzrə Avropa çempionatı davam edir.
Olimpiya oyunlarına lisenziya xarakterli yarışda daha bir idmançımız final mərhələsinə yüksəlib. İvan Tixonov çoxnövçülükdə təsnifat mərhələsini 10-cu yerdə başa vurub. Bunununla da o, həlledici mərhələyə adlayıb. Mübarizəyə qoşulan digər gimnastlardan Nikita Simonov və Ağamurad Qəhrəmanov isə final mərhələsindən kənarda qalıb. Xatırladaq ki, ilk yarış günündə Marina Nekrasova dayaqla tullanma hərəkətində finala yüksəlmişdi. Əlavə edək ki, İvan Tixonov və Marina Nekrasova Tokio Yay Olimipya Oyunlarına lisenziyanı artıq təmin edib.