İtaliya futbolçuları dünya çempionatının seçmə mərhələsinin C qrupunda səfərdə Bolqarıstan millisiylə görüşüblər. Meydan sahibləri oyunun əvvəlində rəqibi ciddi müqavimət göstərsələr də, fasiləyə yaxın irəli çıxıblar. Andrea Belotti penaltidən lazımınca yararlanıb. Qarşılaşmanın yekun nəticəsini müəyyənləşdirən qol sona yaxın vurulub. Manuel Lokatelli millidə ilk dəfə fərqlənib. İtaliya seçməsi 2:0 hesabilə qalib gələrək ardıcıl 5-ci qələbəsini qazanıb. Roberto Mançininin komandası 24 oyundur ki, uduzmur.
Eyni qrupda İsveçrə - Litva görüşündə isə erkən qol vurulub. 2-ci dəqiqədə meydan sahiblərindən Cerdan Şakiri Litva komandasının qapısına yol tapıb. Qalan vaxtda komandalar qol vurmaq üçün bir çox imkan qazansalar da, hesabı dəyişmək mümkün olmayıb. Minimal hesabla qalib gələn İsveçrə yığması xallarının sayını 6-a çatdırıb. Komanda qrupda eyni miqdarda xal toplayan İtaliya seçməsindən sonra 2-ci sıradadır. Litva, Şimali İrlandiya, Bolqarıstan yığmaları hələ ki, xal qazana bilməyib.