Beynəlxalq Olimpiya Komitəsi pandemiya ilə bağlı idmançılar üçün qaydalar toplusu hazırlayıb.
Tokiodakı Yay Olimpiya Oyunlarında iştirak edəcək atletlər ən azı dörd gündə bir dəfə koronavirus testindən keçəcəklər. Yoxlamalar Olimpiya və Paralimpiya kəndləri ərazisindəki ixtisaslaşmış laboratoriyada aparılacaq. Testin nəticələrini smartfon üçün nəzərdə tutulan mobil tətbiq vasitəsilə izləmək mümkün olacaq. Qeyd edək ki, ötən il koronavirus pandemiyası səbəbindən təxirə salınan Tokio Yay Olimpiya Oyunları bu il iyulun 23-dən avqustun 8-dək keçiriləcək.