Mötəbər “Australian Open” turnirində 2-ci mərhələnin görüşləri keçirilir. Yarışın favoritlərindən sayılan Serena Uilyamsa serbiyalı Nino Stoyloviçlə qarşılaşıb. Amerikalı raketka ustası qələbə qazanmaqda çətinlik çəkməyib. İlk setdə qalib gələn Uilyams sonuncu hissədə də rəqibindən üstün olub. Beləliklə, Serena Uilyams mərhələ adlayıb.
Yarışın favitlərindən sayılan Petra Kvitova rumıniyalı Sorana Kırstya ilə üz-üzə gəlib. Görüş 2 saatdan çox davam edib. İlk dəqiqələrdən üstünlüyə yiyələnən Kirstya ilk setdə qalib gəlib. İkinci hissədə uduzan rumıniyalı sonuncu setdə rəqibini məğlub edərək adını 1/16 finalçılar siyahısına yazdırıb.
Daha bir görüşdə belaruslu Arina Sabalenko ilə rusiyalı Darya Kasatkina qarşılaşıb. Duel 1 saat 32 dəqiqə çəkib. İlk setdə çətinliklə qalib gələn belaruslu raketka ustası növbəti hissədə daha asan qələbə qazanıb. Arina Sabalenko növbəti mıərhələyə yüksəlib.