Bakıda təlim-məşq toplanışında olan 19 yaşadək futbolçulardan ibarət Azərbaycan milli komandası hazırlıq çərçivəsində növbəti yoxlama oyunu keçirib.
“Neftçi-2” komandası ilə qarşılaşan U-19 0:1 hesabı ilə məğlub olub. Qələbə topuna 13-cü dəqiqədə Elşən Şabbaği imza atıb.
Qeyd edək ki, yanvarın 11-dən "Türk Hava Yolları Futbol Mərkəzi”ndə təlim-məşq toplanışında olan "Neftçi-2” ayın 15-də "Keşlə-2” (1:1), 22-də "Sumqayıt-2” (1:1), 27-də isə "Sabah-2” (3:1) ilə qarşılaşıb. Millimiz bundan əvvəl "Qaradağ-Lökbatan"ı 3:0 hesabı ilə məğlub etmişdi.