Bu gün futzal üzrə milli komandamız Avropa çempionatının seçmə mərhələsində ilk oyununu keçirəcək.
Futzalçılarımız slovakiyalı rəqibləri ilə qarşılaşacaqlar. Bakı İdman Sarayındakı görüş saat 18-də başlanır. 3-cü qrupda çıxış edən yığmamızın digər rəqibləri isə Moldova və Yunanıstan seçmələridir. Yeri gəlmişkən bu komandalar artıq üz-üzə gəliblər. Matç moldovalıların 3:1 hesablı qələbəsi ilə başa çatıb.