"Real Madrid"in hücumçusu Kərim Benzema İspaniya çempionatında 2019/2020-ci illər mövsümünün ən yaxşı oyunçusu elan edilib.
Fransız hücumçu ötən mövsümdə la Liqada 37 matçda iştirak edərək, 21 qol vurub və 8 məhsuldar ötürmə edib. Xatırladaq ki, 2009-cu ildən yalnız hücumçu Lionel Messi və Kriştianu Ronaldu mövsümün ən yaxşı oyunçuları kimi tanınırdılar. Benzema "Real Madrid"də 2009-cu ildən çıxış edir. Oyunçunun klubla müqavilə razılaşması 2022-ci ilə qədər nəzərdə tutulub. La Liqanın cari mövsümündə fransız oyunçu 7 qol vurub və 5 məhsuldar ötürmə edib.