FIFA 2020-ci ilin ən yaxşı futbolçusunun adını açıqlayıb. "Bavariya"nın polşalı hücümçusu Robert Levandovski karyerasında ilk dəfə bu mükafata sahib çıxıb. O, Kriştianu Ronaldu və Lionel Messini qabaqlayıb. Xatırladaq ki, Levandovski "Bavariya"nın heyətində Almaniya çempionu, ölkə Super Kuboku, Çempionlar Liqası və UEFA Super Kubokunun qalibi olub. O, habelə, 34 qolla ardıcıl üçüncü mövsüm Bundesliqanın, 6 qolla ardıcıl dördüncü mövsüm Almaniya Kubokunun və 15 qolla ilk dəfə Çempionlar Liqasının bombardiri olub.
2020-ci ilin ən yaxşı qadın futbolçusu "Mançester Siti"nin müdafiəçisi Lusi Bronz olub. 29 yaşlı oyunçu "Çelsi"dən Pernil Harder və "Lion"undan Vendi Renarı qabaqlayıb.
FIFA ilin ən yaxşı kişi və qadın baş məşqçilərinin adını elan edib. Kişilərdən “The Best” mükafatına "Liverpul"a ilk premyer liqa çempionluğunu qazandıran Yurgen Klopp layiq görülüb. Xatırladaq ki, Yurgen Klopp ötən il də bu nominasiya üzrə bütün rəqiblərini qabaqlayıb. Almaniyalı mütəxəssis Marselo Byelsa və Hans-Diter Fliki geridə qoyub. Xatırladaq ki, Byelsa uzun fasilədən sonra “Lids”i premyer-liqaya yuksəldib. Hans-Diter Flik isə “Bavariya” ilə Çempionlar Liqasını qazanıb.
Qadın komanadalrın baş məşqçiləri arasında Niderland seçməsinin çalışdırıcısı Sarina Viqman ən yaxşı olub.
FIFA ilin ən yaxşı kişi və qadın qapıçısı ilə bağlı səsvermənin nəticəsini açıqlayıb. Kişilərdən “The Best” mükafatına Almaniya "Bavariya"sının qolkiperi Manuel Noyer layiq görülüb. O, İngiltərə "Liverpul"undan Alisson Beker və İspaniya "Atletiko"sundan Yan Oblakı qabaqlayıb.
Fransa "Lion"unun qolkiperi Sara Buaddi isə yaxşı qadın qapıçı seçilib.
2020-ci il üçün "Ferents Puşkaş" mükafatının qalibi də məlum olub
"Tottenhem" klubunun futbolçusu Son Xın Minin Premyer Liqada "Börnli"yə vurduğu qol ən yaxşı seçilib. Qeyd edək ki,
Mükafata namiozəd digər 2 qol İspaniya "Atletiko"sunun hücumçusu Luis Sauresin "Barselona"da çıxış edərkən La Liqada "Malyorka"ya, həmçinin Braziliya "Flamenqo"sundan Corcian Arrasketanın yerli çempionatda "Seara"ya vurduğu top idi.