Vaxtilə ölkəmizdə çıxış etmiş ən yaxşı legionerlərdən biri olan Reynaldo yenidən Azərbaycana qayıda bilər.
Hazırda Gürcüstanın “Dinamo” Batumi klubunun üzvü olan braziliyalı yarımmüdafiəçi ilə Azərbaycanın bir neçə klubu maraqlanır. Xüsusilə də paytaxtın “Səbail” klubu Reynaldonu heyətə qatmağa səy göstərir. Hazırda təcrübəli oyunçu ilə danışıqları davam etdirən komanda bu transferi artıq qış fasiləsində başa çatdırmağa çalışır. Qeyd edək ki, Reynaldo 2013-2016-ci illərdə, eyni zamanda 2018-2019-cu illər mövsümündə “Qarabağ”ın heyətində çıxış edib.