Bir neçə gün əvvəl Azərbaycan millisinin 2022-ci il dünya çempionatının seçmə mərhələsində rəqibləri müəyyənləşdi. UEFA-nın yeni qərarına əsasən artıq Qətər komandası da seçməmizlə eyni qrupda olacaq. Yeri gəlmişkən Azərbaycan kollektivinin oyunlarının təqvimi açıqlanıb.
2022-ci il dünya çempionatının seçmə mərhələsində Azərbaycan millisinin qərarlaşdığı A qrupunda komanda sayı artırılıb. UEFA Asiya çempionu və mundialın ev sahibi olan Qətər seçməsini hazırlıq məqsədilə bu qrupa dəvət edib. Bu komanda A qrupunda bütün kollektivlərlə təqvimə uyğun olaraq ev-səfər prinsipi əsasında qarşılaşacaq. Rəqiblərin səfər məsafəsinin qısa olması üçün Qətər millisinin ev oyunları Avropada keçiriləcək. Bu yığmanın iştirakı ilə baş tutacaq ev qarşılaşmalarının məkanı və saatı barədə əlavə məlumat veriləcək. Qeyd edək ki, A qrupunda Azərbaycan və Qətərlə yanaşı, Portuqaliya, Serbiya, İrlandiya və Lüksemburq yığmaları da mübarizə aparacaq. Yeri gəlmişkən millimizin seçmə mərhələdəki oyunlarının təqvimi açıqlanıb. İlk oyun martın 24-də Portuqaliyada olacaq. 3 gün sonra Qətər seçməsilə qarşılaşacağıq. Həmin ayın 30-da isə Serbiya futbolçularını qəbul edəcəyik. Sentyabrın 1-də Lüksemburq millisinin qonağı olacaq yığmamız 3 gün sonra İralndiya səfərinə yollanacaq. Ayın 7-də isə Portuqaliya kollektivini qəbul edəcəyik. Oktyabrda 2 oyun olacaq. 9-da Azərbaycan – İrlandiya, 12-də Serbiya - Azərbaycan matçı keçiriləcək. Noyabrın 11-də serbiyalıların qonağı olacağıq, 14-də isə komandamız Qətər yığmasını qəbul edəcək.