İspaniya millisinin və “Real” Madrid klubunun kapitanı Serxio Ramos maraqlı hərəkətlə gündəmə gəlib.
Futbolçu irlandiyalı döyüşçü Konor Makqreqoru duelə dəvət edib. Ramos “İnstagram” səhifəsində idman zalından paylaşdığı videoda “hazır olanda, Konor Makqreqor” yazıb. UFC versiyası üzrə iki çəki dərəcəsinin sabiq dünya çempionunun cavabı da özünü çox gözlətməyib. Makqreqor “Hazır ol, qardaşım Serxio! Qarşıda böyük döyüş var”, deyə vurğulayıb. Qeyd edək ki, Konor Makqreqor ən yaxın döyüşünü 2021-ci il yanvarın 23-də Dastin Poryeyə qarşı keçirəcək.