Formula 1 üzrə dünya çempionatında mövsüm sona yaxınlaşır. Sonuncu yarışlardan biri Bəhreyn qran-prisi də yekunlaşıb. Mövsümdəki çempionluğunu rəsmiləşdirən “Mersedes” pilotu Luis Həmilton bu dəfə də bütün rəqiblərini qabaqlayıb.
VİDEO – Formula 1 üzrə mövsümün sonuncu yarışlarından biri Bəhreyn qran-prisi yekunlaşıb. “Sahir” avtodromunda keçirilən yarış yenə “Mersedes” pilotu Luis Hamiltonun üstünlüyü şəraitində keçib. Çempionluğunu artıq rəsmiləşdirən təcrübəli pilot bu dəfə də heç bir rəqibinə şans verməyib. Bəhreyn qran-prisini də birinci pillədə başa vuran Hemilton həmişəki kimi fəxrü kürsünün ən yüksək pilləsində yer alıb. “Redd Bull” komandasının üzvləri isə Luis Hemiltonu müşaiyət ediblər. Maks Ferstappen ikinci, Aleksandr Albon isə 3-cü olub. Qeyd edək ki, Bəhreyn qran-prisi həm də dəhşətli qəza ilə də yadda qalıb. “Haas” komandasının pilotu Romeyn Qrojan ölümdən dönüb. Onun idarə etdiyi bolid idarəetmədən çıxaraq bariyerlərə çırpılıb, əvvəlcə alovlanıb, daha sonra isə iki hissəyə bölünüb. Xoşbəxtlikdən Qrojan yanan bolidin içindən sağ çıxıb və xəstəxanaya aparılıb.