Türkiyə millisi İstanbulda “Vodafon Park Arena”da Xorvatiya yığmasını qəbul edəcək.
Bu komandaların ümumi statistik göstəricilərində Xorvatiya seçməsi öndədir. Belə ki, 8 qarşılaşmanın 3-də xorvatlar, 2-də isə qardaş ölkənin futbolçuları qələbə qazanıblar. 3 oyunda isə qalib müəyyənləşməyib. Mətbuat konfransında fikirlərini bildirən Şenol Güneş iddialı açıqlamsı ilə diqqət çəki: "Xorvatiya güclü komandadır. İddialı olmaq üçün güclü komandalarla oynamalıyıq. Bir müddət öncə Almaniya ilə qarşılaşmışdıq, yaxın gələcəkdə Belçika ilə üz-üzə gələ bilərik. Belə oyunlarda futbolçularımın əsl gücünü görmək istəyirəm"
Xorvatiya milli komandasının baş məşqçisi Zlatko Daliç də oyunun maraqlı keçəcəyini bildirib. O, rəsmi görüşlərdən əvvəl Türkiyə ilə yoxlama oyununu komandası üşün faydalı olacağını deyib: “Bu gün bizi çətin oyun gözləyir. Xüsusilə Türkiyənin Almaniya ilə oyunundan sonra demək istərdim ki, bizi ciddi rəqib gözləyir. Amma öz futbolçularıma inanıram. Özümüzə məxsus oyunumuzla rəqib meydanında qələbə qazanmağa çalışacağıq. Stadionda tamaşaçıların olmaması məni məyus edir.”
Qeyd edək ki, Türkiyə - Xorvatiya matçı bu gün Bakı vaxtı ilə saat 21:45-də başlanacaq.