Futbol üzrə Azərbaycan çempionatında 8-ci turun oyun cədvəli açıqlanıb.
Tura oktyabrın 31-də “Qəbələ”-“Sabah” oyunu ilə start veriləcək. Qəbələ şəhər stadionunda keçiriləcək matç saat 14-də başlayacaq. Eyni gündə həmçinin “Zirə”-“Səbail” oyunu da keçiriləcək. Zirə İdman Kompleksindəki oyunun startı saat 16-ya nəzərdə tutulub. Digər iki görüş isə noyabrın 1-də olacaq. Əvvəlcə saat 14-də son dövrlərin prinsipial rəqibləri “Sumqayıt”la “Neftçi” üz-üzə gələcək. "Gənclik şəhəri"ndəki arenada olacaq oyunun start fiti saat 14-də veriləcək. Turun son görüşü isə “Azərsun Arena”da keçiriləcək. Burada çempion “Qarabağ” “Keşlə”ni sınağa çəkəcək. Görüşün başlama vaxtı saat 16-dır.