Bu gün milli komandalar yoxlama görüşlərində qüvvələrini sınayacaqlar.
Almaniya seçməsi Türkiyə komandası ilə üz-üzə gələcək. Matçın favoriti almaniyalılardır. Komandalar bunadək 14 dəfə üz-üzə gəliblər. 9 dədə bundestim qələbə qazandığı halda, 2 dəfə qardaş ölkə Türkiyənin futbolçuları qalib gəliblər. Digər 3 oyun isə heç-heçə olub. Görüş bu gün Bakı vaxtı ilə saat 22:45-də başlanacaq.
Paralel keçirilən qarşılaşmada Niderland millisi Meksika kollektivi ilə qarşılaşacaq. Komandalar 5 dəfə üz-üzə gəliblər. Aralarındakı oyunlarda niderlandlıların üstünlüyü aşkar görünür. 3 dəfə Niderland seçməsi qalib gəlib. Meksikalılar yalnız 1 dəfə seviniblər. 1 oyun isə heç-heçə olub.
Azarkeşlərin maraqla gözlədiyi daha bir görüş isə İsveçrə və Xorvatiya milliləri arasında olacaq. Tərəflər bunadək 3 dəfə qarşılaşıblar. Bunlardan 2-də qalib müəyyənləşməyib. Digərində isə isveçrəlilər qələbə qazanıblar. Qeyd edək ki, bu oyun da Bakı vaxtı ilə saat 22:45-də başalanacaq.