Azərbaycan Televiziyasının ön cəbhədəki müxbirlərindən biri Elnur Tofiq “AzTV Xəbər”in canlı yayımı zamanı Qarabağ torpağını nümayiş etdirib.

O, birbaşa bağlantı zamanı işğaldan azad edilmiş ərazilərdən gətirilmiş bir ovuc torpağı göstərib və bu zaman kövrəlib.

E.Tofiq bildirib ki, torpağı ona həmkarı Anar Şuşalı gətirib: “Əməkdaşımız Anar Şuşalı bu gün işğaldan azad edilmiş torpaqlarımıza getmişdi. Ondan bir qarabağlı kimi mənə Qarabağ torpağı gətirməsini xahiş etmişdim. Bu, Qarabağ torpağı, işğaldan azad olunmuş torpaqlarımızın bir hissəsidir”.