İspaniya La Liqasında 2-ci turun oyunları keçirilir. Çempionlar Liqasındakı çıxışı səbəbindən 1-ci turda meydana çıxmayan Real Madrid futbolçuları mövsümə 2-ci turda start veriblər. Real Madrid San Sebastyanda “Real Sosyedad”ın qonağı olub. Görüş paytaxt klubunun üstünlüyü şəraitində keçib. Amma qonaqların çoxsaylı hücümlarına baxmayaraq oyunda hesab açılmayıb. Beləliklə Real Madrid mövsümə xal itkisi ilə başlayıb.
Manuel Pelleqrininin baş məşqçisi olduğu “Betis” ardıcıl 2-ci qələbəsini qazanıb. İlk turda “Alaves”i minimal hesabla məğlub edən “Sevilya” klubu bu dəfə doğma meydanda “Valyadolid”dən güclü olub. Hesabı 10-cu dəqiqədə Nabilı Fekir açıb. Az sonra isə Vilyam Karvalyo qapını dəqiq nişan alıb. “Betis” – “Valyadolid” 2:0.