MLS-də 9-cu tura start verilib.Amerika Milli Futbol Liqasının lideri “Toronto” doğma meydanda “Monreal İmpakt”la qarşılaşıb.Gərgin mübarizə şəraitində keçən matçın ilk hissəsində hesab açılıb.14-cü dəqiqədə qonaqlardan Rudi Kamaço fərqlənib. Fasiləyədək başqa qol olmayıb. İkinci yarıya məğlub başlayan meydan sahibləri hücumlarını daha da gücləndiriblər. Buna baxmayaraq Toronto futbolçularının zərbələrində dəqiqlik çatmayıb. Minimal hesabla qalib gələn “Monreal İmpakt” 13 xalla 5-ci pilləyə yüksəlib.
Məğlub olmasına baxmayaraq 18 xalı olan “Toronto” liderliyini davam etdirir.