Fransa çempionatında 2-ci turun görüşləri keçirilib.Çempionatın 2-ci turunda “Reyms” komandası “Lill”i qəbul edib. Gərgin mübarizə şəraitində keçən görüşün ilk hissəsində hesab açılıb. Qonaqlardan Conatan Bamba fərqlənib. Fasiləyə üstün yollanan “Lill” futbolçuları ikinci yarıda qapılarını toxunulmaz saxlamağı bacarıblar. Minimal hesabla qalib gələn “Lill” xallarının sayını 4-ə çatdırıb.
Daha bir görüşdə də eyni hesab qeydə alınıb. Söhbət “Mets” – “Monako” matçından gedir. Bu görüşdə də hesab ilk hissədə açılıb. 22-ci dəqiqədə Benua Badiaşilin zərbəsi dəqiqə olub. Fasilədən sonra qonaqlar azlıqda qalıblar. Yusuf Fofana qırmızı vərəqə ilə cəzalandırılıb. “Monako” 10 nəfərlə qalmasına baxmayaraq üstünlüyünü sonadək qoruyub.