Koronavirus pandemiyası növbəti mövsüm də MXL-in normal şəraitdə keçirilməsinə mane ola bilər.Belə ki, mövsüm MXL oyunları 4 şəhərdə keçirilə bilər. Amerikalı jurnalist Con Şennonun verdiyi məkumata görə liqa rəhbərliyi hər bir komandanın öz meydanında oyun keçirməsinə isti yanaşmır. Qeyd edək ki, cari mövsüm müntəzəm çempionat koronovirus səbəbindən yarımçıq dayandırılmış və komandalar müəyyən fasilədən sonra birbaşa olaraq pley-off mərhələsindən mübarizəyə qoşulmuşdu. Hazırda isə Stenli Kubokunun oyunları isə Toronto və Edmontonda boş tribunalar önündə keçirilir. Mətbuatın yazdığına görə, indiki məqamda MXL rəhbərliyi Oyunçuların Həmkarlar İttifaqı ilə birgə növbəti mövsümün təşkili ilə bağlı danışıqlar aparır. İlkin razılaşmaya görə komandalar fasilələrlə 4 müxtəlif şəhərdə hərəyə 8 görüş keçirməlidir.Amma bu şəhərlərin hamısının Kanadanı təmsil edəcəyi ilə bağlı heç bir razılıq yoxdur.Oyunların Kandanın 4 müxtəlif şəhərdə keçirilməsi də istisna edilmir.
Amerika mətbuatı növbəti mövsümlə bağlı daha bir məqamı müəyyənləşdirə bilib. Böyük ehtimalla, komandalar noyabrın 17-dən təlim-məşq toplanışlarına qatılacaq. Mövsümün isə dekabrın 1-də start götürəcəyi gözlənilir.