“Mançester Yunayted”in sabiq baş məşqçisi Lui van Qaal bu komandada çalışarkən heyətdə görmək istədiyi oyunçuların adını çəkib.
Niderlandlı mütəxəssisin sözlərinə görə, o Mançester klubuna müdafiəçilər Serxio Ramos və Mats Hümmels, yarımmüdafiəçilər Riyad Mahrez, Ceyms Milner, N`Qolo Kante və Sadio Mane, hücumçular Tomas Müller, Robert Levandovski, Qonsalo İquayn və Neymarın transfer olunmasını istəyirdi. “FourFourTwo” nəşrinə açıqlama verən təcrübəli mütəxəssis bunları söyləyib: “Mənə yaşlı komandanı təhvil vermişdilər. Keyfiyyətimizi itirmədən bu komandanı gəncləşdirmək istəyirdim. Amma istədiyim oyunçuları almaq problemə çevrildi. Bu məni təəccübləndir. Mən klubların bu oyunçulara görə böyük məbləğ istəyəcəyini gözləyirdim. Hər halda, “Yunayted” dünyanın ən varlı klubu idi. Amma dünyanın ən varlı klubunda çalışarkən istədiyin oyunçuların alınacağına da ümid edirəm. Bunu bacarmadıq. Biz 4, 5, 6-cı variant üçün nəzərdə tutduğumuz futbolçuları ala bildik”.