"Neftçi" daha bir transferini reallaşdırıb. Yerli mətbuatın məlumatına görə paytaxt klubu braziliyalı Rener Pavaonu heyətə cəlb edib. 19 yaşlı futbolçunun son komandası Braziliya "Fortaleza"sı olub. Pavao bu klubun gənclər komandasında çıxış edib. Rener Pavao ilə 3 illik müqavilə imzalanacaq.
Qeyd edək ki, Rener yay fasiləsində "Neftçi"nin sıralarına qoşulan 3-cü yeni legionerdir. Paytaxt klubu bundan əvvəl nigeriyalı Yusuf Laval və belçikalı Sabir Buqrinlə də anlaşıb.